Os nosos ancestros tiñan un sexto sentido.

Un estudio publicado na revista Nature Communications a partir de datos obtidos ao longo de máis de 25 anos de investigación revela que o 96% dos vertebrados, inclusive o ser humano, descenden dun ancestro cun sexto sentido especializado en detectar campos eléctricos. Hoxe soamente as quenllas, os peixes espátula e algúns outros vertebrados son os que o conservan, e normalmente utilízano para detectar presas, comunicarse e orientarse na auga. Segundo conclúen os autores do estudio, aquel ancestro común era probablemente un peixe mariño depredador con boa vista, mandíbulas e dentes, e un órgano sensorial, a liña lateral, para detectar movimentos na auga. O animal viviu fai 500 millóns de anos e de el descenderían a inmensa maioría das 65.000 das especies de vertebrados que existen na actualidade. Algúns vertebrados terrestres, como o axolotl mexicano, conservan a capacidade de electrorecepción. De feito, esta especie de salamandra é o mellorr modelo para o estudio científico do “sexto sentido”. Sen embargo, para o resto de réptiles, así como para os paxaros e os mamíferos, a adaptación á vida en terra firme supuxo a pérdida do “electrosentido”.